Gaht's no?!
Copyright Marianne Schauwecker
Ref.
Gaht's no!
Säg emaal gaht's no - gaht's no - gaht's no?!
Säg emaal gaht's no!
Mues dänn diis Prüel würkli sii?
Gieng's mit Rede nöd au?
Wird's der soo wöhler debii?
Findsch si lässig diini Schau?
Was hät diich ächt so troffe?
Han ich diich so sehr verletzt?
Säg mers doch eifach ganz offe,
anschtatt das d'Tüüre schletzt!
Ref.
Du malträtiersch miini Ohre,
's isch als hegsch es Megaphon!
's Gschprääch gaht im "Forte" verloore,
findsch nöd au emaal en Piano-Toon?
Häsch nöd bald gnueg vom Chreie?
Häsch si abglaa diini Sau?
Susch fang au iich aa mit Schreie,
Ich chan das nämlich au!
Ref.
Bruucht's ächt en Chlapf vo Ziit zu Ziit,
oder gieng's au ohni Wuet?
Ghöört Blitz und Dunner zum Schtriit?
Gilt nu Uusglicheheit als guet?
Miir tüend öis daa nöd geniere,
bi öis wird öppenemaal kreit!
was höchschtens chan passiere,
isch, dass de andri seit:
Ref. Gaht's no.......