S'Musikzimmer
Copyright Marianne Schauwecker
Ich han im Chopf es Musikzimmer,
da singt's und klingt's de ganzi Tag.
Irgend es Lied tönt eifach immer,
's isch mängisch fascht e chli e Plag,
Ref.
Zerscht luut und schnäll, dann ritardando,
dänn 'chli Puccini mit Glissando,
ich sing e-n-Arie, chrächz en Beat
und pfiif bi jed're Platte mit: (.... pfeifen)
Vo sälber singt's i säbem Zimmer,
ich ha nüüt z'säge da debii.
Wänn ich mich wehr, wird's nur no schlimmer,
es singt nach eigener Regie -
Ref.
Emale bin ich melancholisch
und würkli niedergschlage gsii,
und trotzdem hät's i mir melodisch
hartnäckig gsunge no debii -
Ref.
Das macht eim mängsmal fascht chli hässig,
wänn's duurend jodlet, pfiift und klingt.
Auf für d'Familie isch's nöd lässig,
wänn eini nonstop immer singt -
Ref.
Doch eimal mach au ich e Pause,
dänn nämlich wänn am Aabig schpaat,
me sogar mich is Bett gseht sause,
dänn schaltet 's Musikzimmer ab.
Ref.
Dänn tönt im Traum nur, allegretto,
es interns Traumspeziallibretto,
bis dass am Morge - frisch paraat -
das ganz Gesing vo vorn aafaat...